بدون عنوان .... ؟؟؟؟؟؟؟؟؟؟؟؟

الاخ العزيز / الوحدااني
اوافقك الرأي في كل كلمة كتبتها وانا كنت داخل المنتدي اكتب عن الموضوع ده بس لقيتك قلت كل اللي انا كنت عايز اقوله و انا من الصبح دمي بيغلي من الكلام اللي كان مكتوب من سب وشتيمة لكل شباب العلاقي
واكيد اول مسؤول عن اللي حصل هما المشرفين علي المنتدي لأن الاشراف مش منصب دي مسؤولية لان المنتدي باسم البلد ولازم نخاف علي البلد ويكون عندنا غيرة شوية واسف اني اقول لكم لو مش قادرين تتحكمو في المنتدي تقفلوه احسن
المنتدي فيه حاجات كتيرة غلط وهو ده السبب الرئيسي ان حد يشتمنا وانا مش شايف اي اهتمام من المشرفين بالمنتدي والمفروض يكونو موجودين بصفة دايمة في المنتدي طالما اتحملو المسؤوليه لازم يكونو قدها
واحنا مش هنسمح لاي حد يشتم البلد والمنتدي فيه مواضيع تجريح في ناس وكان لازم تنبهو علي الاعضاء انهم يكتبو اي موضوع بدون غلط في اي شخص ده حتي مفيش موضوع متثبت من المشرفين عن قوانين الكتابة في المنتدي عشان اي عضو يخالف القوانين تقدرو تمسحو موضوعه وفيه كمان مواضيع كتير مكررة
ورجاء للمشرفين ان الموضوع ده ما يتكرر مرة تانية ده احنا بدال ما نكتب مواضيع و نتناقش في حاجات مفيدة قاعدين نكتب علي خناقات و شتايم وما استفدنا لحد دلوقتي باي حاجة من المنتدي
واخيرا يا ريت نبتدي صفحة جديدة وناخد الملاحظات اللي نوه عليها الاخ الوحداني وننفذها و بعد اذنه بعد المشرفين ما يشوفو الموضوع ده يمسحوه لان الغرض منه التوضيح و النصيحة مش النقاش

الأخ العزيز/ الوحداني المحترم؛؛؛؛

تحياتي ليك ولكل شباب المنتدي اللي للأسف مش هنقدر نقول عليه منتدي رائع وجميل وده بسبب ناس كل هدفهم هدم المنتدي قبل حتي ما يبدأ أولا المشرف شكله مش فاضي للمنتدي دايما بنشوف موضيع متكررة وموضيع ملهاش لزمة وناس كتير بتحكي عن خناقات وناس بتشتم بعض بألفاظ متنفعش تتكتب في منتدي محترم المفروض الحاجات دي تتشال قبل ما الناس تشوفها وياريت نوري الناس المميزات اللي عندنا عشان المنتدي ده عنوان لبلدنا وياريت ننقل صورة جميلة عن بلدنا للناس وزي ما قال أخي الوحداني شوفوا المنتديات التانية والغيرة في الحاجات دي بتفيد .

شكرا؛؛؛؛؛؛؛

بسم الله الرحمن الرحيم

مرحبا اخى الكريم الوحدانى

اقتباس :

"" فعذرا الاخ نواف ارجو الاهتمام وقراءة كل المواضيع التى تطرح وحذف اى موضوع به اى سب او اهانة لاى شخص كان حتى لا
ياتى هذا الشخص كما حدث ويرد بمثله وتصبح بعد ذلك ساحة معركة لا مكان محترم للتعارف والنقاش فى امور القرية

ده مش اول مره يحصل ان شخص يدخل المنتدى ويسب ويشتم ولما حصل كده فى المره الاولى قمت بتعين مشرفين لمعظم الاقسام حتى لا يتكرر ما حدث ولكن للاسف ..... وللعلم ان الشخص الشتم من ابناء العلاقى
والمنتدى انشىء ليكون منبرا حرا للآراء ولتقريب وجهات النظر فيما يعنى هموم ابناء العلاقى والنوبة عام
ومنتظرين من اقلام مثقفى العلاقى الدعم وليس الهدمة
وانا بااعتزر الى كل اعضاء المنتدى

بسم الله الرحمن الرحيم

الاخ العزيز زاد الشجون

بداية لكم منى خالص الشكر على تلك الكلمات الرقيقة وانشاء الله تكون المشاكل الموجودة حاليا بالمنتدى مجرد سحابة صيف وتنجلى ولهذا اخى لا نريد طرح فكرة غلق المنتدى بل بالعكس يجب ان يتعاون الجميع على حل المشكلات وتخطى اى صعاب . واما بخصوص حذف موضوعى هذا فالتأكيد لا مانع لدى فهو فقط مجرد تنبيه ونصيحة وارجو ان يهتم به الاخوان فى الادارة كمضمون واما من جهة نص الموضوع فلا مانع لدى من حذفه .

فشكرا اخى على مرورك الكريم ووفقنا الله واياكم ودمتم

بسم الله الرحمن الرحيم

الاخ العزيز صينى

انشاء الله بمجهود الجميع وبمشاركة جميع ابناء القرية سنعمل على معالجة اى اخطاء موجودة لنجعل من هذا المنتدى جميل ورائع بالفعل كما يتمنى الجميع . وان كان لى اخى طلب بان تحاول من زيادة مشاركاتكم التى طالما ننتظرها . فشكرا اخى على مرورك الكريم

ووفقنا الله واياكم

بسم الله الرحمن الرحيم

الأخ نواف

بداية لا داعى للاعتذار فجميعنا هنا بالمنتدى اخوة وان حدث نقاش او اختلاف فهو للصالح العام ولانجاح هذا المنتدى الذى قمتم مشكورين بانشائه ولكن كما قلت الاصعب هو المحافظة على النجاح وهذا بالتطوير والاهتمام فدور الاشراف كما وجه الاخ زاد الشجون مشكورا يعد مسئولية ويجب القيام بها على اكمل وجه وذلك لنتفادى اى مشاكل او اقلام الهدم والتدمير التى تعمل على فشل هذا المنتدى . اما كما جاء فى ردك بانه منبر للحرية وتبادل الاراء فلا شك فى ذلك ولكن الحرية بمعناها وهى الا يتجنى احد على اخر سواء بلفظ او بكلمة لانه كما قلنا لكل فعل رد فعل فيجب مراعاة ذلك ويكون شعار الجميع نتناقش ونختلف ولكن لا نفسد ما بيننا من ود واحترام .

فشكرا اخى على مرورك ووفقنا الله واياكم

بسم الله الرحمن الرحيم
فى البدايه اود ان اشكر الاخ\محم؟؟؟؟؟ واقول له انت بتقول اليس هناك مواضيع او افكار اخرى للشباب . انا كتبت فكر مهم وقلت عايزين نعمل مبنى (للدروس الخصوصيه) لان المدرس يذهب للمنزل ولا يوجد رجل فى المنزل بحكم عمله \يوجد افكار للشباب ولا يجدوا من يساعدهم فى التنفيذ. وشكـــرا . والسلام عليكم ورحمة الله وبركاته

الجارالعزيز ع .. ه اولا انا اقصد بافكار ومواضيع جديدة وليس مقترحات كما هو اقتراح مبنى الدروس هذا فالمقصود مواضيع وافكار جديدة والا يكتب احدهم موضوعا ويكرره الاخرون . على كل حال اسعدنى مرورك .

ودمتم ؛؛؛؛؛

بسم الله الرحمن الرحيم
مشكور للأخ العزيز\وبالتوفيق لك ولنا وللجميع والسلام عليكم ورحمة الله وبركاته

الأخ العزيز / الــوحــدااني
كلمات فى محلها بالفعل
ولو وجد غيرة على القرية واصرار لرفع اسم العـــلاقي لما وجد كل هذا
ولكن للأسف الفئة القليلة من عديمي الخبرة والهادمين للنجاح
وبالفعل يوجد الكثير من التجمعات والمتصورة انها تعمل لصالح المنتدى
ولكن للأسف فيه تعمل لضده وللأسف ايضا انهم مجموعة من الشباب
الصغار سيطر على تفكيرهم اشخاص من عديمي الخبرة فى هذا المجال
ولكن كل ما يمكنني ان اقوله فى الوقت الحالي
ان ندعو الله ان يرعهم الي رشدهم لكي نكمل المسيرة ونرفع اسم
العـــلاقـــي للأعلى
القافلة تسير ... وستظل تسير ان شاء الله

الاخ الوحداني

موضوعك في منتهي الاهميه وياريت الاداره تاخد بالها وبالتوفيق

الاخوان الاعزاء امير بكلمتى وايمن فتح الله

لقد اسعدنى مروركم وفى انتظار اقلامكم الرائعة والتى تعودنا على واضيعها الشيقة والتى ستكون من اهم اسباب سمو وتطور منتدى قريتنا الحبيبة بالاشتراك مع جميع الزملاء بالمنتدى ....

مشكور وحدانى على هذا الموضوع الجميل ولكن رئيس المنتدى مش فاضى لو هو مش فاضى لى عمل المنتدى من الاول ولسه ياما هنششوف شتايم

بسم الله الرحمن الرحيم
الاخوان في المنتدي كل عام وانتم بالف خير بمناسبه شهررمضان المبارك اعاده الله علينا وعليكم وعلي الامه الاسلاميه بالخير واليمن والبركات الاخ/نواف والاخ/الوحداني دائما الي الامام انشاء الله . راجيا من الله لمنتدي العلاقي التقدم والازدهار ولكم تحياتي عابره للمحيطات والتلال والوديان من رياض الصالحين المملكه العربيه السعوديه .......تحياتي وبالتوفيق ودمتم برعاية الله وحفظه .......احمد العبادي

السلام عليكم ورحمته الله وبركاته
مشكور الاخ الوحدانى على هذا الموضوع بس يارب الناس تتمسك بيه
وغير كده مش اى موضوع عن البلد يتكتب فى الموقع لان فيه بعض المواضيع مينفعش تتكتب
لان مش شباب علاقى بس اللى بيدخلوا الموقع .فيه اغراب كتير بيدخلوا
ولكم جزيل الشكر والاحترام