عارف ايه اكتر حاجه بتفرح الشاب النوبى
لما ابوه يقوله على اي حاجه برافو عليك ايوه كده..
لما ابوه يفتخر بيه قدام اي حد " عارفين الزباله اللي كانت قدام باب ---البيت تحت؟؟؟ ابني اللي لمّها" !!!!
-لما يكون بيكلم بنت على النت وتقوله انت ظريف اوي
-لما يعرف ان النهارده جاي فيلم جديد على روتانا مشافوش قبل كده
-لما يعرف انه كسب حتي علبه سجاير في اي سحب
-لما يجيب قميص جديد وينزل بيه اول يوم ويحس ان الناس كلها بتتفرج -عليه ..
-لما يدخل امتحان الكليه يلاقيه جاي من الصفحتين اللي ذاكرهم امبارح
-لما يكون قاعد على شات ياهو ويلاقي بنت باعتالو ممكن نتعرف
-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..
-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..
-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي الاستـآد
-لما يكسب ماتش على البلاي ستيشن او فيفا 2008
يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟
-لما واحده تقوله على فكره انت صوتك حلو اوي
-لما يدي معاد لبنت ويروح يلاقيها وصلت قبله .. ودي بنفس استحاله مأيجي الاتوبيس فاضي..
-لما يجيله مسج على موبايله ويلاقيه حاجه غير (كلمني .. شكرا ..بالاضافه لمعلومه مهمه جدا كان
هيلوص لو مكانتش جت في المسج على غرار اربط الحزام تنجو من الحوادث.. او دلوقتي كروت الشحن
بقت بنفس السعر المكتوب عليها !!!!)
-لما الاهلي يكسب .
-لما الزمالك يخسر
-لما يكسب اول فلوس من شغل ..
-لما حد يقرا حاجه هو كاتبها ويقوله عليها انها حلوه اوي ..
-لما يقول نكته لصحابه ويضحكو من قلبهم
-لما يحب اول مره
-لما يحرج بنت في الشارع ادام الناس بعد ما هزأته..
-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان
لما يسافر اسكندريه يستجم بعد الامتحانات ولما ينجح في الامتحانات ولما امه تدعيله ولما ياكل اكله
حلوه من عند مأجــد او ولعتيـن او لما يكون عطشان ويلاقي كولدير ساقع اوي او لما يجيله مسج من
حبيبته او
لما يكسب واحد صاحبه في ماتش شطرنج طويل او لما يكون مخنوق
ويلاقي صاحبه بيكلمه بيقوله ماتيجي ننزل ولما يقف على الكوبرى الجديدويتفرج على
طنطآ ولمـا يركب دراجته الناريه ويشرررخ بيهـــا
-الشاب النوبى بيكون مبسوط لما يحس ان ربنا كارمه
فعلاالشاب النوبى بينبسط من اقل حاجه مش كدا ..!